..gibt's koa Sünd (waschechte Schnaderhüpfln

[FritzR]

AW: ..gibt's koa Sünd (waschechte Schnaderhüpfln

Mal ein Längeres:

Haneferl

A Haneferl zwitschert am Bam,
Sei Weiberl mit ihm in da G`ham.
Sö schnabeln recht fleißig
Mit z`sammen voll Freud`,
Denn do gibt`s für dö zwa
ka traurige Zeit.
Da fallt ma vom Nachbarn
das Regerl glei`ein,
Mit der möcht` i im Wald draußt
A Haneferl sein,
Mit der möcht` i im Wald draußt
A Haneferl sein,
Holioih, holioih, holioli, ilioli, hodiolioh!
Holioih, holioih, holioli, ilioli, hodiolioh!

Das Haneferl, das hat´s halt guat,
Das schnabelt mit`n Weiberl so fort,
Doch tua i dem Regerl
Die Liab fein erklär`n,
So mag mi` das sakrische
Dirndl net hör`n.
Da harb i mi` hamli`
Und denk` dabei fein:
Kunnt i net im Wald draußt
A Haneferl sein!
Kunnt i net im Wald draußt
A Haneferl sein!
Holioih, holioih, holioli, ilioli, hodiolioh!
Holioih, holioih, holioli, ilioli, hodiolioh!

 

[Weberin]

AW: ..gibt's koa Sünd (waschechte Schnaderhüpfln

Fein hüatn, fein haltn,
net einitapp-n:
es steckt oft a Fuchs
in 'r a Zipflkapp-n!
~
Da Pfarra macht d' Predigt,
da Metzga macht d' Wurscht,
da Glaubn, macht selig,
und da Haring macht Durscht.
~

 

[Weberin]

AW: ..gibt's koa Sünd (waschechte Schnaderhüpfln

Du himmlischer Vater,
auf der Welt waars wohl fein,
wanns nur amal a halbe Stund
Gulden tät schneibn.

 

[Weberin]

AW: ..gibt's koa Sünd (waschechte Schnaderhüpfln

Juchheirassassa,
weil mas Lebn no ham!
so zünfti wia heint
kemma ma do nimma zsamm!

 

[Weberin]

AW: ..gibt's koa Sünd (waschechte Schnaderhüpfln

Und wann i meine Kreuzer
im Wirtshaus verschwendt,
na brauch i koa Schreibpapier
zu mei'm Testament.

 

[Weberin]

AW: ..gibt's koa Sünd (waschechte Schnaderhüpfln

Hast an Juhschroa im Herzn,
nur außa damit!
Graunzt hat die Welt gnua,
aber gejuchazt no nit!​